صار لي حادث وكان الطرف الثاني مايحمل تأمين ونسبة الخطأ عليه 100% ، وكان سيء الخلق بعدها ذهب للتوقيف وأظنه بيطلع بكفالة ، وقبل مايمشي تلفظ علي أمام رجل المرور وقال والله أن توصل للمحكمة وأحولها للشرع وحقك ماراح تأخذه إلا بعد شهور وانا قدرت السيارة بمكتب تقديرات حوادث العروبة ، وراح اروح للمرور الأحد القادم . السؤال : هليحق له الاعتراض على التسعيرة من المكتب المعتمد ، واذا اعترض ماهي الاجراءات اللي بعدها ، وكيف أخذ حقي منه بأسرع طريقة ممكنة ، لأن الرجال قهرني وأعوذ بالله من قهر الرجال تلفظ علي وانا كنت اواسيه واقوله مابي الا حق تصليح سيارتي وعارفك ابو عيال وشهر رمضان وزايدة المصاريف ، وفي النهاية يعاملني هالمعاملة !!!! حسبي الله ونعم الوكيل

اول شي الحمدلله على سلامتك
بالنسبه لتقدير سيارتك اجراء صحيح من ورش معتمدة عند المرور وهي ملزمة له واعتراضه على التقدير فالواقع احتمال ان يكون لغرض المماطله ووقتها سيتم احالة الاوراق للمحكمة … لاتقلق اجراءات المحكمة ماتطول كثير جلسة او جلستين تكون منتهي
فأقترح عليك اولا-تصوير السياره بأكثر من صوره لمكان الصدمه من عدة زوايا وعرضها للقاضي اذا تم احالتك اوراقك للشيخ
عند حضورك الجلسه عند القاضي أبن له تضررك من مماطلته وتعطل منفعتك بالسياره وطالبه بكامل المبلغ وطالبه بتعطل المنفعه
هذا ونرجو من الله العزيز الحكيم ان ييسر امورك لكل خير.
وشكرا ……..